Ervin Salianji mbërriti i vetëm në Gjykatën e Apelit Tiranë për seancën e parë të dosjes “Babalja”, por në sallën e gjyqit u fut me shokë. Një shpurë deputetësh të PD e ndoqën në sallë seancën ndaj kolegut të tyre Salianji, të dënuar me 1 vit burg nga Shkalla e Parë, që u ndërpre pa nisur për shkak të mungesës së një nga anëtarëve në pritje të një testi Covid.
Para se të caktonte datën 18 korrik për seancën e radhës, kryesuesja saktësoi se Fredi Alizoti ishte tërhequr nga ankimi. I cilësuari nga Shkalla e Parë si personi që aktroi zërin e vëllait të ish-ministrit Fatimr Xhafaj në audio-përgjimin “Babalja”, nuk kërkonte gjyq në Apel, me argumentin se e kishte përfunduar dënimin me 2 vjet burg të dhënë nga Shkalla e Parë.
Ndërsa deputeti Salianji dhe gazetari Olldashi kishin paraqitur pak ditë më parë material shtesë për ankimin në Apel, me arsyet e plota përse kërkojnë pafajësi. Salianji tha se autoritetet nuk hetuan trafikun e drogës, por montuan një proces politik, ndërsa vonesën e denoncimit ia faturoi drejtuesit të kohës së PD, Lulzim Bashës.
Të pandehurit e dosjes “Babalja”, Ervin Salianji, Fredi Alizoti, Albert Veliu dhe Jetmir Olldashi u fajësuan nga Shkalla e Parë e Tiranës në dhjetor 2019 për “kallëzim të rremë”. Sipas gjykatës, ata inskenuan një audio-përgjim, ku pretendojnë se Geron Xhafa, vëllai i ish-ministrit Fatmir Xhafa, diskutonte për çështje droge.
“Me 1100% do të shpallem i pafajshëm”, nënvizoi Salianji. (A2 Televizion)
A2 CNN Livestream
MUND TE LEXONI GJITHASHTU
