Sali Berisha nuk ka asnjë kompetencë statutore në parti për të thirrur Kuvendin Kombëtar. Lulzim Basha u përgjigj prerë kur u pyet se kreu i grupit parlamenatr Alfred Rushaj ka deklaruar që nëse mblidhen firmat e nevojshme, mund të mblidhet kuvendi kombëtar. Kreu demokrat tha se Berisha mund të thërrasë institucione paralele për ta bërë partinë bunker për hallet personale të tij.
“Njeriu që bërtet statuti...statuti shpall dhe i jep vetes kompetenca që nuk i ka. Sali Berisha nuk ka kompetenca në statut pët të thirrur asnjë institucion të partisë dhe procedurat janë të qarta. Berisha mund të thërrasë institucione paralele për ta bërë partinë bunker për hallet personale, por PD dhe shqiptarët kanë halle të tjera. Kuvend kombëtar do të thërras sa herë që ka një çëhstje statutore, apo vendim për të marrë, por institucione paralele dhe bunker nuk e thërras dot”.
Basha ripërsëriti qëndrimin e tij se Kuvend Kombëtar që të marrë në shqyrtim vendimet e qeverisë amerikane nuk ka për të pasur derisa ai të jetë kryetar.
“Kuvend Kombëtar që të marrë në shqyrtim vendimet e qeverisë amerikane nuk ka për të pasur deri sa të jem unë kryetar i partisë, që ta çoj këtë parti te rrëzimi i regjimit të Ramës dhe duke e çuar në pushtet këtë parti”. (A2 Televizion)
A2 CNN Livestream
MUND TE LEXONI GJITHASHTU
