Një ditë pas deklaratës së kryeministrit Rama për rritjen e tarifës së pastrimit, ka ardhur edhe reagimi i selisë blu. Në një postim në rrjetet sociale, nënkryetarja e PD-së, Jorida Tabaku shprehet se Rama do t'i çojë para inceneratorëve. Sipas saj Rama dogji ligjet dhe kushtetutën, duke ia ofruar në pjatë të florinjtë 400 mln euro mafies së inceneratorëve.
“Një kryeministër që drejton një shtet të kapur shndërrohet në mburojën politike të atyre qe marrin kontrata nga pushteti. U dogjën plehrat në Fier, Durrës e Kavajë për të furnizuar me kontrata të majme pronarin e Inceneratorëve. U mbuluan qytetet e mëdha të Shqipërisë nga tymi plehrave. U rritën tarifat e pastrimit në Tiranë, Durrës, Kavajë e Shijak. Dje doli përsëri dhe deklaroi që do të rrisë përsëri tarifat e pastrimit, që t'i çojë para inceneratorëve. Prandaj i njëjti person dogji ligjet dhe kushtëtutën duke ia ofruar në pjatë të florinjtë 400 mln euro përmes 3 kontratave korruptive Klodian Mirel Mërtirit të inceneratorëve”.
Ajo shtoi se Rama ka frikë nga ngritja e komisionit hetimor për inceneratorët dhe prandja e vonon atë me lloj-lloj pretekstesh.
“Aq frikë saqë vonon dhe ngritjen e Komisionit Hetimor të inceneratorëve me lloj-lloj pretekstesh. Kjo është kapja e shtetit!” (A2 Televizion)
A2 CNN Livestream
MUND TE LEXONI GJITHASHTU
