Kreu i PD, Lulzim Basha zhvilloi një takim me të rinjtë e Partisë Popullore Austriake, simotrën e Partisë Demokratike, të cilët ndodhen për një vizitë në Shqipëri.
Basha, gjatë bashkëbisedimit me të rinjtë, theksoi edhe njëherë se prioriteti i PD është anëtarësimi në Bashkimin Europian, për t’iu ofruar të rinjve shqiptarë mundësi më të mira.
“Theksova prioritetin kryesor të PD-së, që është anëtarësimi i Shqipërisë në BE, për t’u dhënë edhe të rinjve tanë shanse dhe mundësi të barabarta me bashkëmoshatarët e tyre europianë. Edhe pse në opozitë, ne do të bëjmë gjithçka për të rinjtë që sot fatkeqësisht shohin emigrimin si të vetmen zgjidhje.
Jam krenar për të rinjtë shqiptarë që me aftësi dhe mençuri, shkëlqejnë në universitetet më të mira në botë, ndaj detyra për të cilën mbetem thellësisht i angazhuar, është të bëjmë gjithçka për t’i dhënë mundësinë kujtdo që dëshiron të arsimohet dhe të këtë mundësi të përparojë në jetë”, u shpreh Basha. (A2 Televizion)
A2 CNN Livestream
MUND TE LEXONI GJITHASHTU
