Të hënën, rrëzimi i "Becchettit" shkon në Kushtetuese

Të hënën, Partia Demokratike çon në Gjykatën Kushtetuese ankimin kundër vendimit të Kuvendit për refuzimin e hetimit për çështjen “Becchetti”.

Socialistët në mazhorancë e rrëzuan këtë hetim me argumentin e dokumentave konfidenciale. Por, Lulzim Basha, krahas disa qëndrimeve publike të Edi Ramës se qeveria do fitonte në arbitrazh, tha edhe se dokumenti që pretendohet se është konfidencial, gjendet lehtësisht në internet.

Grida Duma dhe Gazment Bardhi dhanë detaje mbi këtë hetim të kërkuar nga opozita, duke ngritur akuzë ndaj kryeministrit Edi Rama, Sekretarit të Përgjithshëm të Kryeministrisë dhe kryebashkiakut të Tiranës.

Sikundër PD deklaroi se nuk do të tolerojnë me zvarritje për ngritjen e komisionit hetimor parlamentar për inceneratorët.   (A2 Televizion)