“Blindohet” kryeqyteti, sot luhet Partizani-Tirana

Policia e Tiranës ka publikuar masat që ka marrë për garantimin e mbarëvajtjes së derbit të kryeqytetit mes Partizanit dhe Tiranës, ndeshje që do të luhet këtë të premte në orën 19:00 në stadiumin e ri.

Me anë të një njoftimi për mediat, Policia e Tiranës thekson se disa rrugë në kryeqytet do të bllokohen: “Policia kërkon mirëkuptimin e qytetarëve për kufizimin e qarkullimit të mjeteve nga ora 16:00 deri në përfundim të aktivitetit, në segmentet rrugore që do të jenë të bllokuara:

• Sheshi “Nënë Tereza”;
• Pjesë të segmentit të rrugës “Lek Dukagjini”;
• Rruga “Dervish Hima”;
• Përreth stadiumit “Air Albania” ;
• Do të kufizohen rrugëkalimet gjatë kohës së kalimit të tifozëve të Partizanit dhe Tiranës”.

Policia kërkoi edhe mirëkuptimin e tifozëve të Partizanit dhe Tiranës që të zbatojnë kërkesat e mëposhtme:

1. Tifozët e Sport Klub Partizanit do të grumbullohen tek 21 Dhjetori dhe do të kalojnë në itinerarin për tek stadiumi “Air Albania” nga:
2. 21 Dhjetori;
3. ura “Vasil Shanto”;
4. kryqëzimi i rrugës “Komuna e Parisit”,
5. rruga “Sulejman Delvina”;
6. Libri Univeristar;
7. Presidenca drejt për tek COIN;
8. Hyrjet tek tribuna N dhe E të stadiumit dhe anasjelltas;
9. Tifozët e Klub Sport Tirana do të grumbullohen te Teatri i Kukullave dhe do të kalojnë në itinerarin për tek stadiumi “Air Albania” nga;
10. Ministria e Brendshme, Pedonalja;
11. rruga “Xhorxh Bush”;
12. Ura e Elbasanit, rruga e “Elbasanit”;
13. Ambasada e SHBA-së;
14. Kthim në rrugën “Dervish Hima;
15. Kthim në rrugën “Sheh Ahmet Pazari”;
16. Tribuna “S” dhe kthim anasjelltas;

Sipas policisë, “do të ushtrohen kontrolle ndaj tifozëve para hyrjes në stadium për sende të kundërligjshme (si armë apo lëndë piroteknike etj.). Çdo tifoz duhet të jetë i pajisur me dokument identifikimi. Nuk do të lejohen të futen në stadium fëmijët nën moshën 16 vjeç pa praninë e prindërit apo kujdestarit. (A2 Televizion)