Bylis ka marrë vendin e parë në renditjen e Kategorisë Superiore, pasi mundi 3-1 Tiranën në Ballsh. Golat për të zotët e shtëpisë i shënuan Goxha në të 5’, Guindo në të 35’ dhe Celis në të 71’. Golin e vetëm për bardheblutë e shënoi Dunga në të 65’. Kjo ishte fitorja e katërt për ballshiotët e ngjitur këtë vit në Superiore, duke befasuar të gjithë me atë që kanë treguar deri tani.
Pas tre rezultatesh zhgënjyese, Kukësi u rikthye te fitorja duke mundur thellë 4-1 Luftëtarin, falë dy golave nga Vasil Shkurtaj dhe nga një gol të Rrocajt dhe Ethemit.
Laçi mundi 3-0 Teutën duke marrë vetëm fitoren e dytë për këtë sezon, ndërsa “Djemtë e Detit” u detyruan të dorëzonin kreun.
Vllaznia ka fituar në transfertë me Flamurtarin 3-1, duke zhytur në krizë më të thellë vlonjatët, të cilët ndodhen në vendin e fundit me 2 pikë.
Partizani pret Skënderbeun të enjten, për të mbyllur javën e nëntë të kampionatit. (A2 Televizion)
A2 CNN Livestream
MUND TE LEXONI GJITHASHTU
