Oerd Bylykbashi, përfaqësues i PD në tryezën e Këshillit Politik, ku po finalizohet marrëveshja për reformën zgjedhore, ishte i ftuar në Ditarin e orës 13:00 në A2, nga ku foli për zhvillimet e fundit në lidhje me reformën zgjedhore.
Formula për zgjedhjen e anëtarëve të KQZ-së
“Në ato 15 kushtet, ky është kushti kryesor, reforma zgjedhore konsensuale, ku edhe opozita ka një rol thelbësor. Kemi qenë pjesë e një procesi dakordësie. Dje, ne kemi diskutuar një propozim të dytë të opozitës. Pasi dështoi të kapte komisionet zgjedhore, Rama po bën çmos të ketë kontrollin e plotë të KQZ. Ne do t’i qëndrojmë pikë për pikë asaj dakordësie. Ne refuzojmë idenë e mazhorancës që idenë ta bëjnë deputetët. Ne kërkojmë cilësinë profesionale, ndërsa ata kërkojnë politizimin e KQZ-së dhe synojnë që me shumicën e thjeshtë të merren të gjitha vendimet”.
“Sa më shumë e tërheq këmbën zvarrë Rama, aq më keq për të”
“Ne e kemi bërë ofertën tonë dhe presim konstruktivitet nga mazhoranca. Është e rëndësishme jo vetëm ngritja e KQZ-së, por kjo duke qenë një kusht sa më shumë e tërheq këmbën zvarrë Rama nuk është në nderin e tij, është në të mirën e tij që ta mbyllim sa më shpejt këtë proces. Fronti ndërkombëtar është një kamxhik për Edi Ramën. Ne jemi shumë të qartë, kemi një marrëveshje dhe i qëndrojmë asaj pikë për pikë.
“Identifikimi biometrik zgjidhje për shqiptarët”
“Identifikimi biometrik është zgjidhur dhe shqiptarëve u sigurohet që kutia nuk do të mbushet me vota. Çdo votë që hidhet në mënyrë të paligjshme tret forcën e votës së shqiptarëve. Në momentin që opozita i ka votat, mosmbushja e kutive, sigurisht, që avantazhin opozitën apo këdo që ka fituar, por nuk është një përpjekje për qytetarët. Mbrojtja e komisioneve nga tentativa për t’i kapur qeveria do të thotë që qeveria të mos ketë mundësi të kontrollojë qendrat e votimit apo të numërimit. Nuk ka asnjë që mbron interesat e një force. Kodi zgjedhor nuk ndal fituesit, por vendos rregullat”.
“Rama ikën nga pushteti në momentin kur shqiptarët i drejtohen kutive të votimit”
“Ka ende rekomandime që duhet të shohin dritën për të thënë që janë vendosur një set garancisë, prioritare si shitblerja e votës, presioni mbi zgjedhësit e të tjera. Rekomandimet, në vitet që qeveris Rama, janë bërë nga të këqija në të tmerrshme. Ne do ta përmbyllim detyrën dhe ta harrojnë atë iluzionin se kodi zgjedhor është receta çudibërëse për mungesën e vullnetit politik. Mungesa e vullnetit politik ka vrarë zgjedhjet. Ne po vendosim shtesa për të mbrojtur zgjedhjet nga tentativa e Ramës për të rikonfirmuar veten edhe njëherë. Rama ikën nga pushteti që në momentin e parë kur shqiptarët i drejtohen kutive të votimit. PS po kacavirret në xham për të kapur çdo lloj elementi”.
“BE i thotë Ramës: Reforma me konsensus, përndryshe, ty nuk të hapet dera”
“PS u detyrua në 2015 që të miratonte ligjin e dekriminalizimit për të nxjerrë nga parlamenti kriminelët që kishte futur vetë. Është kusht nga BE, se po të ishte për Ramën, kjo reformë zgjedhor nuk bëhej. BE i thotë Ramës: reforma me konsensus, për ndryshe, ty nuk të hapet dera”.
Ndihma e ndërkombëtarëve
“Ndihma që kanë dhënë ndërkombëtarët në këtë proces ka qenë i jashtëzakonshëm dhe shumë i vyer. Nga roli i Bundestagut, nga roli i Mbretërisë së Bashkuar dhe partnerët e tjerë në lehtësimin e një dakordësie për të filluar punën për reformën zgjedhore jashtë parlamentit të diskredituar. Më pas, është roli që pati ambasada amerikane dhe e BE-së në dakordësinë e 5 qershorit. Në mënyrë të qartë dhe me rekomandimet që erdhën nga BE-ja u shkua drejt zgjidhjes dhe Ramës u bë e pamundur për të kapur administratën e re zgjedhore. Ishin ata që ndihmuan që kjo të mos ndodhte. Rama pati një përpjekje të jashtëzakonshme për të kapur institucionet”.
“Ligji i partive politike rrit demokracinë”
“PD është në avangardën e procesit që duhet të fillojë të thellohet brenda PD-së dhe brenda të gjithë politikës shqiptare, që është demokratizimi i partive politike. Ligji i partive politike është ai dhe jo sistemi zgjedhor, që do të ketë dhe duhet të ketë instrumente që rrisin demokracinë brenda partisë”. (A2 Televizion)
A2 CNN Livestream
MUND TE LEXONI GJITHASHTU
