Katër herë zgjedhje të jashtëzakonshme në një dekadë, kryeministra të shkarkuar, dorëhequr, vetëdorëhequr e rrëzuar, ky i fundit me formulën e mocionit të mosbesimit e qeveri që kanë jetëgjatësi prej vetëm 50-ditësh.
Ky është realiteti politik në Kosovë, për të cilin foli në “Ditari” në A2 analisti Milaim Zeka.
“Qeveria Hoti është legjitime, e zgjedhur e popullit”
“Është keqpërdorim i madh përpara qytetarëve të thuash se kjo qeveria ka ardhur në pushtet pa votën e qytetarëve, për arsye se deputetët në parlamentin e Kosovës janë të zgjedhurit e popullit. Nga 120 deputetë, 88 prej tyre shkarkuan qeverinë e Kurtit. Me fjalën “popull”, Enver Hoxha e shtypi Shqipërinë. Ata që kanë mendësinë komuniste thërrasin “populli”. Albin Kurti ka 29 deputetë, LDK-ja ka 28 deputetë. Qeveria Hoti është legjitime, e zgjedhur e popullit. Në momentin kur Rama ka qenë në opozitë.
“Kurti u vetëshkarkua”
"Albin Kurti nuk është shkarkuar, por është vetëshkarkuar. Në historinë politike të shqiptarëve do të mësohet si njeriu që i preku rëndë marrëdhëniet me SHBA-të. Ne e dimë se populli shqiptar i Kosovës nuk do të çlirohej edhe 1 mijë vjet pa ndihmën e Amerikës dhe aleatëve të SHBA-vë. Çdo njeri që është gërric në Tiranë apo në Prishtinë, ka pasur fatin e Albin Kurtit. Ky foli për shtëpinë e kuqe, të gjelbër, të verdhë, foli në mënyrën më banale si kryeministër në foltoren e Kuvendit të Kosovës. Asnjë kryeministër pas Enver Hoxhës, asnjë politikan post Hoxhës që ka fol për rrezikun anglo-amerikan, njeriu i dytë është Albin Kurti. Prandaj rrëzimi i tij ka qenë i natyrshëm dhe i mirë. Kurti është tallur edhe me orientimin seksual të Grenell. Kjo qeveria ka bërë vetëm spastrime politike.
“Qeveritë kriminale në 20 vite në Kosovë sollën në pushtet Kurtin”.
“Të gjithë ata që kanë thënë se Kurti zvogëloi pagat kanë gënjyer. Kurti ka qenë brilant në krijimin e një fasade të jashtme, por tashmë po i dalin skandalet. Kurti ka ardhur në pushtet si rezultat i qeverive të kaluara, të cilat kanë vjedhur pafundësisht përmes procesit të privatizimit. Qeveritë kriminale që kanë vjedhur për 20 vite me radhë sollën në pushtet Albin Kurtin. Ai mori votën e njerëzve të cilët deshën të ndëshkojnë të kaluarën. E njëjta gjë ka ndodhur edhe në Shqipëri. Njerëzit e votuan Ramën, jo se e donin atë, por sepse nuk e donin politikën e Berishës. Por Kurti e ka thyer, e ka poshtëruar dhe e ka sulmuar fizikisht, kryetarin e LDK, Isa Mustafa, duke e quajtur edhe tradhtar dhe në fund shkoi në koalicion me të”.
“Kosova mban gjallë turizmin në Shqipëri, Rama vendos taksë 10 euro”
“Beogradi dhe Rusia dëshirojnë të shkaktojnë tërmet politik në Tiranë dhe në Prishtinë. Ne vijmë dhe mbajmë gjallë turizmin në Shqipëri, ndërsa Edi Rama na e vendos taksën 10 euro. A ka turp apo krim më të madh se të paguaj unë 5 euro për të ardhur dhe 5 për të ikur, kur turizmi në Shqipëri jeton ekskluzivisht vetëm prej kosovarëve?! Ne nuk debatojmë për këto gjëra, por debatojmë për teori konspiracioni se si duhet të ndahet Kosova. Që do të ketë bisedime të ardhshme ide për rivendosje kufijsh, kjo është mëse normale. Beogradi do të kërkojë të na marrë edhe Prishtinën, por varet ne se çfarë i japim”, u shpreh Zeka. (A2 Televizion)
A2 CNN Livestream
MUND TE LEXONI GJITHASHTU
