Përpiqemi të hamë shëndetshëm, por nuk dimë çfarë hamë! Madje, në disa raste, blejmë dhe sëmundjen bashkë me produktin që marrim.
E kjo bëhet më alarmante kur shesh se si supermarketet në Tiranë e rrethe tregtojnë produkte të skaduara, me myk, i mbajnë në rafte me ndryshk dhe në kushte të papërshtatshme higjieno-sanitare.
Autoriteti Kombëtar i Ushqimit ka publikuar së fundmi disa pamje se si mbahen produktet ushqimore në disa markete në vend. 5.5 milionë lekë ka qenë masa e gjobës për tre supermarkete në Tiranë.
Ndërsa në Portin e Durrësit AKU bllokoi 46.2 ton, fileto pule dhe kafe që vinin nga Brazili. Nga kontrolli rezultoi se mishi i pulës rezultoi me salmonelë, ndërsa kafja nuk përmbushte kushtet e sigurisë ushqimore.
Vetëm një ditë më parë, mjekët e infeksionistë bënë të ditur për A2 se viroza që mori përmasat e një epidemie në Tiranë u shkaktua nga salmonela.
Infektimi nga ky bakter merret nga ushqimet e palara, nga mishi i pulës dhe vezët të pa ziera mirë, nga uji dhe mungesa e higjienës. 250 persona, fëmijë e të rritur, shkonin çdo ditë në spitalin infektiv me probleme gastrointestinale. Edhe pse intensiteti i virozës ra, frika nga pasiguria e ushqimeve na shoqëron çdo ditë. (A2 Televizion)
A2 CNN Livestream
MUND TE LEXONI GJITHASHTU
