Një ndeshje e çmendur, ajo midis Erzenit dhe Partizanit, e vlefshme për javën e 13-të të Kategorisë Superiore.
Dy ekipet ndajnë një pikë pas një sfide me plot 6 gola, me barazimin e ekipit nga Shijaku që ndodh në minutën e shtatë shtesë, si pasojë e një penalltie të dhënë nga sistemi VAR.
Erzeni kaloi në avantazh në pjesën e parë me Patrick, ndërkohë që barazimi erdhi pothuajse menjëherë me Carën.
Në pjesën e dytë, Partizani dominon minutat e para duke përmbysur rezultatin me Rrapajn (48) dhe bomberin Skuka (55), dhe dukej sikur kishin vulosur fitoren e vyer.
Ndeshja u ndërpre ndërkohë disa minuta nga rrebeshi që e bëri të pamundur vazhdimin.
Por Erzeni tregon se nuk eshte kot në vendin e tretë, dhe fillimisht shkurton me Kadriun dhe në sekondat e fundit merr pikën me Kahrimanovic nga 11 metrat.
Partizani kalon gjithsesi në vendin e parë, me 23 pikë, ndërkohë që Erzeni ndodhet në vendin e tretë me 21 pikë, një më pak se Tirana.
Ndërkohë, fitore në transfertë u regjistruan në Patos, ku Laçi fiton 0-1 ndaj Bylisit, kurse Teuta ia del ndaj Kukësit me të njëjtin rezultat, duke shtuar shpresat për mbijetesë dhe duke zhytur verilindorët në krizë. (A2 Televizion)
A2 CNN Livestream
MUND TE LEXONI GJITHASHTU
