Çmimi i naftës, Shqipëria prek rekordin me 192 lekë/litër, më e shtrenjta në rajon

Nga A2 CNN
3 Shkurt 2022, 17:13 | Ekonomi
Çmimi i naftës, Shqipëria prek rekordin me 192

Çmimi i naftës ka shënuar rekorde historike për drejtuesit shqiptarë të automjeteve, duke prekur në disa pika karburanti edhe çmimin 200 lekë për litër.

Rritja e çmimit të naftës po rëndon më shumë xhepat e qytetarëve, tashmë që vendi po përballet njëkohësisht me shtrenjtimin e ndjeshëm të ushqimeve, kostove të biznesit dhe çdo malli e shërbimi tjetër.

Çmimi i lartë i naftës vjen si pasojë e taksave të larta. Aktualisht qytetarët shqiptarë paguajnë 8 taksa brenda çmimit të një litri naftë, dhe pikërisht këto taksa të fryra e rëndojnë faturën. Taksimi i lartë i naftës për ekspertin Pano Soko vjen si pasojë e paaftësisë së qeverisë për të mbledhur fonde, të cilat do të zhvillonin ekonominë vendase duke tërhequr më shumë investime dhe duke krijuar më shumë vende pune.

https://a2news.com/2022/02/03/karburantet-dhe-transporti-sherbimi-taksi-dhe-ai-urban-paralajmerojne-per-rritje-te-cmimit-te-biletave/
https://a2news.com/video/cmimi-i-naftes-arsyet-e-rritjes-se-vazhdueshme-dhe-kostos-me-te-larte-ne-rajon/

Shtrenjtimi i naftës është një problem me të cilin po përballen shumë vende të BE si pasojë e rritjes së çmimit në bursa. Por, pavarësisht kësaj, për ekspertin në rastin e Shqipërisë e gjithë pesha bie mbi qeverinë e cila duhet të ndërhyrje në uljen e taksës.

Krahasuar me të njëjtë periudhë të një viti më parë çmimi i naftës është rritur me 38 lekë, ndërsa gazi ka shënuar dyfishim të çmimit ku sot shitet me 92 lekë litri. Këto shifra e bëjnë Shqipërinë të jetë vendi me çmimet më të larta në rajon krahasuar me Malin e Zi ku nafta tregtohet me 154 lekë/litër apo Maqedoninë e Veriut me 138 lekë/litër. (A2 Televizion)

A2 CNN Livestream

Latest Videos