Sërish dhunë në futbollin shqiptar, kësaj radhe në Kategorinë e Dytë. Vendimi për një penallti të arbitrit Anxhi Lushi çoi në një konfrontim fizik mes tij dhe presidentit të ekipit vendas, Gramshit, që po ndeshej kundër Valbonës.
Presidenti 24-vjeçar i Gramshit arriti madje të godiste me grusht arbitrin, ndërkohë që policia ka deklaruar se po ndjek penalisht atësi dhe të atin e tij, pas këtij episodi të turpshëm, i radhës në futbollin vendas.
Materialet i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme.
Deklarata e Policisë
Komisariati i Policisë Gramsh, në bashkëpunim me Policinë Bashkiake, kishin marrë të gjitha masat për të garantuar rendin dhe sigurinë, para, gjatë dhe pas përfundimit të ndeshjes së futbollit ndërmjet ekipeve sportive Gramshi dhe Valbona, në stadiumin e qytetit të Gramshit.
Masat për sigurinë brenda stadiumit i kishte marrë Policia Bashkiake, ndërsa shërbimet e Komisariatit të Policisë Gramsh, sipas regullores, kishin marrë masat për sigurinë në perimetrin e jashtëm të stadiumit.
Në minutat e fundit të zhvillimit të lojës së futbollit, shtetasi A. B., 24 vjeç, president i klubit të futbollit të Gramshit, ka goditur me grusht shtetasin A. L., 25 vjeç, banues në Tiranë, arbitër i ndeshjes, dhe për këtë arsye është ndërprerë ndeshja.
Menjëherë, shërbimet e Komisariatit të Policisë Gramsh dhe shërbimet e Forcës së Posaçme "Shqiponja" të DVP Elbasan, kanë ndërhyrë në stadium duke parandaluar përshkallëzimin e konfliktit dhe duke shoqëruar shtetasin A. B., në ambientet e Komisariatit të Policisë Gramsh.
Në vijim të veprimeve, Oficerët e Policisë Gjyqësore të Prokurorisë pranë Gjykatës së Rrethit Gjyqësor Elbasan referuan materialet në Prokurori dhe nisi procedimi penal për shtetasit A. B., 24 vjeç dhe D. B., 58 vjeç, banues në Gramsh (babë e bir);
A. B., me detyrë president i klubit të futbollit të Gramshit, për veprat penale "Goditja e sportistit, trajnerit, arbitrit" dhe "Mosbindja ndaj urdhrit të punonjësit të Policisë", pasi, në përfundim të ndeshjes së futbollit të zhvilluar në Gramsh, ndërmjet ekipeve Gramshi dhe Valbona, ka goditur me grusht shtetasin A. L., 25 vjeç, banues në Tiranë, me detyrë arbitër i ndeshjes
D. B., për veprën penale "Kundërshtimi i punonjësve të Policisë", pasi ka kundërshtuar punonjësit e Policisë, gjatë shoqërimit të djalit të tij, shtetasit A. B. (A2 Televizion)
A2 CNN Livestream
MUND TE LEXONI GJITHASHTU
