Sulmuesi Edin Dzeko ka firmosur zyrtarisht për Interin, dhe nuk ka pritur shumë për t’i dhënë një sinjal tifozerisë së zhgënjyer nga ikja e belgut Romelo Lukaku te Chelsea.
Boshnjaku prej disa ditësh ndodhej në Milano, por zyrtarizimi po shtyhej për shkak të pagesës së muajt të fundit me Romën.
Diçka jo e vogël, kur merr më shumë se 500 mijë euro në muaj, por Dzeko dhe ekipi i tij i mëparshëm zgjidhën ngërçin, duke mundësuar firmën në kontratë dhe jo pa surprizë debutimin në ndeshjen e sotme miqësore kundër Dinamos së Kievit.
Klasi i tij nuk diskutohet kurrë, pavarësisht moshës 35-vjeçare, dhe Dzeko tregoi të gjithë repertorin e tij teknik, i finalizuar në një gol të bukur në pjesën e parë të ndeshjes.
Në pritje të debutimit të holandezit Dumfreis dhe të një sulmuesi tjetër, ndoshta Zapata i Atalantës, tifozët interistë mund të shpresojnë ende në një sezon të mbarë. (A2 Televizion)
A2 CNN Livestream
MUND TE LEXONI GJITHASHTU
