Ka vijuar edhe ditën e hënë protesta e shoqërisë civile përpara Kryeministrisë kundër rritjes së çmimeve të karburantit dhe ushqimeve.
Ndonëse qeveria prezantoi një paketë masash për përballimin e krizë, protestuesit e kanë quajtur atë të pamjaftueshme dhe kanë vijuar të tregojnë forcën e tyre në protestë.
Kësaj here protesta ka pasur një numër më të vogël pjesëmarrësish, krahasuar me masivitetin e njerëzve që u panë në manifestimin e së shtunës.
Protesta të tjera të ngjashme, po për të njëjtën çështje ka pasur dhe në disa qytete të tjera të Shqipërisë.
Më herët, në një takim me pensionistët, kryeministri Rama u shpreh se edhe nëse zgjat 4 vjet protesta nuk do të ketë një ulje të taksave për karburantin. (A2 Televizion)
A2 CNN Livestream
MUND TE LEXONI GJITHASHTU
