Në një dokument të brendshëm të Bashkimit Europian të parë nga Zëri i Amerikës, thuhet se qytetarët në vendet e Ballkanit Perëndimor po përjetojnë zhgënjim të thellë lidhur me procesin e zgjerimit.
Raporti identifikon si faktorë kryesorë mungesën e hapave vendimtare për Shqipërinë dhe Maqedoninë e Veriut pas vendimit të Këshillit Europian me mars te 2020 për të hapur negociatat e pranimit; ritmin e ngadaltë në Serbi dhe Mal të Zi për të ecur në rrugën e BE-së, pasigurinë në lidhje me dialogun Beograd-Prishtinë e të tjera.
Zhgënjimin e ka ushqyer më tej perceptimi se BE-ja i shpërndau me vonesë vaksinat për Covid-19, sipas raportit qe mban datën 5 maj e që zyrtarët e Bashkimit Europian u kanë dërguar 27 ministrive të jashtme të vendeve anëtare.
Atje thuhet se për Shqipërinë dhe Maqedoninë e Veriut, vetë procesi i anëtarësimit në BE ka shërbyer si nxitja më e fortë për reformat. Tani është me rëndësi thelbësore që negociatat e pranimit të fillojnë sa më shpejt dhe të ecin përpara, paralelisht me vazhdimin e reformave në të dyja vendet. (A2 Televizion)
A2 CNN Livestream
MUND TE LEXONI GJITHASHTU
