
Andrea Nahles, kryetarja e Partisë Socialdemokrate në Gjermani ka lajmëruar dorëheqjen e saj nga ky post pas rezultateve të dobëta në zgjedhje.
Kjo do të bëhet zyrtare ditën e nesërme, kur t’i paraqesë stafit drejtues dorëheqjen e saj dhe të martën pritet të heqë dorë edhe nga drejtimi i Bundestagut.
"Në këtë mënyrë dua të hap rrugë për emërimin e pasardhësve në këto poste", pohoi Nahles, e cila shpreson që SPD të rikthehet në rrugën e suksesit.
Vendimi erdhi pas rezultatit të dobët në zgjedhje dhe uljes së mbështetësve të saj në radhët e socialdemokratëve gjermanë.
"Këtë javë kam kuptuar pas debateve të shumta, se për ushtrimin e posteve që kam, nuk ekziston mbështetja e domosdoshme brenda partisë", tha Nahles. (A2 Televizion)