Në trupin gjykues që do të rigjykojë çështjen ndaj ish-ministrit të Brendshëm, Saimir Tahiri, në Apelin e Posaçëm do të ketë gjyqtarë të deleguar nga gjykatat e Apelit të zakonshëm.
Pamundësia e një trupe me anëtarë nga Apeli i Posaçëm është krijuar për shkak të numrit të vogël të anëtarëve në Apel, si edhe konsumimit të tyre gjykimin e parë të dosjes “Tahiri”.
Këtë të enjte, dy ditë pasi mbërriti në Apel, dosja ndaj Tahirit dhe ish-drejtuesit të Policisë Vlorë, Jaeld Çela iu nënshtrua shortit, që zgjodhi si kryesuese gjyqtaren Daniela Shirka dhe anëtare gjyqtaren Iliriana Olldashi.
Më herët shorti zgjodhi edhe gjyqtaren Miliana Muça, e cila hoqi dorë, pasi është shprehur për çështjen në Shkallën e Parë. Në këto kushte, për gjyqtarin e tretë të çështjes do të pritet të bëhet një delegim nga ana e Këshillit të Lartë Gjyqësor.
Tahiri dhe Çela,të fajësuar me herët për “shpërdorim të detyrës” do të rigjykohen në zbatim tëvendimit të Gjykatës së Lartë të shtatorit. (A2 Televizion)
A2 CNN Livestream
MUND TE LEXONI GJITHASHTU
