Sali Berisha nuk është surprizuar nga rrëfimi para drejtësisë i pastrueses së ish-shefes së kabinetit të Arben Ahmetaj, ish-Drejtoreshë Koncesionesh, se paratë e gjetura në banesën e saj janë të Alda Klosit.
Gjatë bashkëbisedimit të fundjavës në rrjetet sociale, Berisha shkoi më tej lidhur me atë që mendon si burimin e vërtetë të mbi 500 mijë eurove.
Kryetari i PD shpreson që me rrugë ligjore dhe protesta Edi Rama dhe qeveria e tij të ketë fatin e ish zyrtarit të FBI-së, pasi sipas Berishës kryeministri në bashkëpunim me McGonigal dhe ambasadoren amerikane kanë lobuar dhe luftuar kundër opozitës.
Gjatë këtij bashkëbisedimi nuk munguan as premtimet kryeministrore. Berisha u shpreh që pasi të vijë në pushtet drejtësia do të hyjë në një tjetër cikël reformimi.
Në fund kryetari i PD paralajmëroi edhe njëherë Edi Ramën që të mos ndërhyjë në regjistrimin e PD në zgjedhje, në rast të kundërt, ai paralajmëroi reagim të fortë të opozitës. (A2 Televizion)
A2 CNN Livestream
MUND TE LEXONI GJITHASHTU
