Bullgaria ishte vendi që bllokoi negociatat për Maqedoninë e Veriut në muajin nëntor, por për çështjen e pandemisë po tregon që është një fqinj i mirë.
Ministri i Shëndetësisë, Venko Filipçe gjatë një deklarate për shtyp pas takimit në Sofje, bëri me dije se Maqedonia e Veriut do t’i marrë dozat e para të vaksinës antiCovid falas nga Bullgaria.
“Për dozat do të mësojmë në periudhën që vijon. Besoj se sasia e parë te ne do të mbërrijë në janar, edhe pse se situata nuk është vetëm në dorën e tyre dhe absolutisht i kuptoj që presioni nga vendet e gjithë botës është i madh”, tha Filipçe.
Sipas ministrit bullgar të Shëndetësisë, Kostadin Angelov, fillimisht në Bullgari do të mbërrijnë vaksinat e Pfizer/BioNTech, pastaj ato Moderna dhe AstraZeneca. (A2 Televizion)
A2 CNN Livestream
MUND TE LEXONI GJITHASHTU
