Agjencia Ndërkombëtare e Vlerësimit Moody’s ka publikuar rishikimin periodik të saj për Shqipërinë, ku theksohet pozicionimi i qëndrueshëm të Shqipërisë në tregjet ndërkombëtare.
Vendi ynë renditet sërish me vlerësimin “B1” , pavarësisht dy goditjeve të njëpasnjëshme, tërmetit dhe pandemisë.
Megjithatë në raport evidentohen disa risqe, që vijnë nga borxhi i lartë publik, rritja e varësisë nga financimet përmes formës së PPP-ve, si dhe shkalla e lartë e euroizimit të vendit.
Moody’s ka njohur efektet e pandemisë në ekonomi dhe ndikimin negativ në parametrat fiskalë, por thekson se vendi ka përmirësuar planifikimin dhe ekzekutimin e saj fiskal dhe ka marr masa ligjore me parashikimet në Ligjin Organik të Buxhetit, për disiplinimin e deficitit në vitet zgjedhore.
Në vlerësimin e saj të fundit, Agjencia parashikon se ekonomia do të fillojë të ri-mëkëmbet, që prej vitit të ardhshëm (2021), ku parashikon një rritje pozitive prej 5%. (A2 Televizion)
A2 CNN Livestream
MUND TE LEXONI GJITHASHTU
