Pritej të shkëlqente Verstappen në Xheda të Arabisë Saudite, por në fakt ishte shoku i tij Sergio Perez që do të niset nga vendi i parë në çmimin e madh të nesërm.
Meksikani ka kryer një xhiro fantastike, duke lënë pas dyshen e ringjallur të Ferrarit, Charles Lecelerc dhe Carlos Sainz.
Kampioni i botës Verstappen mban vendin e katërt, i ndjekur nga Esteban Ocon i Alpine.
Ditë e “zezë” për Mercedes, me Russell në vend të gjashtë dhe veçanërisht me Hamilton në vend të 16-të i eliminuar në Q1. Probleme kanë patur gjithsesi të gjitha mjetet me motor Mercedes.
Ndërkohë, provat u ndërprenë për aksidentin e frikshëm të Mick Schumacher me Haas, që mbeti minuta të tëra në mjetin e tij të shkatërruar por që tashmë ndodhet për kontroll në spital, i vetëdijshëm. (A2 Televizion)
A2 CNN Livestream
MUND TE LEXONI GJITHASHTU
