Sebastian Vettel nuk do të marrë pjesë në garën e dytë të sezonit të ri të Formula 1, që zhvillohet në Arabinë Saudite, për shkak të Covid-19.
Piloti i Aston Martin, katër herë kampion bote, mungoi edhe në garën e javës së kaluar në Bahrejn për shkak se doli pozitiv në testin për Covid-19 dhe nuk është rikuperuar në kohë për të marrë pjesë në garën që do të zhvillohet në Xhedah.
34-vjeçari do të zëvendësohet përsëri nga piloti rezervë i skuadrës, Nico Hulkenberg.
Aston Martin thotë se gjermani mendohet të jetë gati për garën e tretë, muajin e ardhshëm në Australi. Në garën e parë të sezonit, Hulkenberg u rendit i 17-ti. (A2 Televizion)
A2 CNN Livestream
MUND TE LEXONI GJITHASHTU
