Tre profesorë, një fizikante, një ekonomiste dhe një jurist janë në garë për drejtimin e Universitetit me të madh të vendit.
Fushata po zhvillohet në kushtet e pandemisë, ndërsa kandidatët kanë nisur prezantimin e programeve. E përbashkëta në platformën e tyre është zgjidhja e krizës 4-vjeçare në Universitetin e Tiranës dhe kthimin e legjitimitetit në këtë institucion.
Profesoria e astrofizikës, Mimoza Hafizi synon t’i kthejë nderin e humbur Universitetit të Tiranës dhe autonominë e munguar, pedagogia e ekonomisë Kozeta Sevrani thotë se do t’i japë prioritet përmirësimit të mësimdhënies, kurrikulave dhe kërkimit shkencor, ndërsa dekani aktual i Drejtësisë, Artan Hoxha premton një mentalitet të ri në drejtimin e këtij institucioni.
Të tre kandidatët kërkojnë që politika të qëndrojë larg këtyre zgjedhjeve. Ndërkohe kriza në Universitetin e Tiranës vetëm thellohet dhe së fundmi rektori aktual Mynyr Koni ka deklaruar se nuk mund të mbahen zgjedhjet në fund të korrikut pasi nuk janë miratuar anëtarët e rinj të Komisionit Zgjedhor.
Por shkarkimi i 5 anëtarëve të mëparshme të KIZ nga rektori Koni është cilësuar antiligjor dhe ministrja e Arsimit shpalli datën e zgjedhjeve.
Në 30 korrik për rektorin e ri të Universitetit të Tiranës pritet të votojnë 760 personel akademik dhe 30 mijë studentë. (A2 Televizion)
A2 CNN Livestream
MUND TE LEXONI GJITHASHTU
