Gazetarja 26 vjeçare vdes nga “gripi i derrit”

Ishte vetëm 26 vjeçare dhe e gjykuar si një nga yjet e gazetarisë politike, por humbi jetën në mënyrë të papritur ndoshta nga një meningjit pasojë e gripit të derrit.

Bota e medies amerikane u shokua nga vdekja e papritur e Bre Payton, bashkëpunëtores të kanalit Fox News dhe rivistës me tipare konservatore The Federalist.

Payton, e cila kishte dhjetëra mijëra ndjekës në rrjetet sociale për analizat e saj politike, banonte në Washington por ndodhej në Kaliforni si e ftuar në një emision.

Mëngjesin pas transmetimit një mik i saj e gjeti në dhomë të pandërgjegjshme, që mezi merrte frymë”.

E shtruar me urgjencë në terapi intensive, gazetares iu diagnostikua virusi i gripit H1N1, i ashtuquajturi “gripi i derrit”, që kishte prodhuar meningjitin që pak orë më vonë do të shkaktonte vdekjen e saj. (A2 Televizion)