Gjirokastra nis sezonin, në 3-mujorin e parë të vitit dyfishohet numri i vizitorëve

Gjirokastra duket se ka nisur sezonin turistik për vitin 2023.

Dhe kjo nisje është mjaft premtuese pasi numri i vizitorëve për tremujorin e parë të këtij viti ka tejkaluar çdo shifër krahasuar me vitet e mëparshme, duke e bërë Gjirokastrën ndër qytetet e para turistike në vend që po përjeton fluks turistësh.

Por një nga problematikat që kanë hasur vizitorët është fakti që këta të fundit duhet të paguajnë dy bileta për të vizituar kalanë dhe muzeun e kalasë.

Drejtoresha e turizmit në bashkinë e Gjirokastrës premton zgjidhjen e shpejtë të kësaj problematike.

Numri i lartë i vizitorëve reflektohet edhe tek njësitë hoteliere, të cilat shprehen se vizitorët nuk janë më kalimtarë apo njëditore, por qëndrojnë më gjatë veçanërisht në fundjavë.  (A2 Televizion)