Kancelari i Gjykatës së Elbasanit, Ledio Sulkuqi, është sulmuar nga disa persona mbrëmjen e së dielës, të cilët e kanë goditur disa herë me levë.
Sipas asaj që A2 CNN ka mësuar, Sulkuqi ishte duke ecur i vetëm në rrugë, duke u kthyer për në shtëpi, kur është sulmuar nga disa persona. Ngjarja mësohet se ka ndodhur vetëm 150 metra larg Drejtorisë së Policisë së qytetit.
Pas goditjeve të marra, Sulkuqi është dërguar menjëherë në spital ku ndodhet nën kujdesin e mjekëve.
Policia ka sekuestruar kamerat e sigurisë në zonë, për të bërë të mundur identifikimin e autorëve. (A2 Televizion)
A2 CNN Livestream
MUND TE LEXONI GJITHASHTU
