“Gripi i shpendëve”,  zgjerohet harta, gjenden vatra të reja infektimi në Divjakë e Devoll

Pas Durrësit, Prespës e Dibrës, harta e infektimeve me gripin e shpendëve është zgjeruar në Divjakë e Devoll.

 “Me identifikimin e vatrave të reja po shtohen masat për mbajtjen nën kontroll të situatës, dhe po komunikohet risku për fermerët e zonave, ndërkohë që vazhdon eliminimi i kafshëve sipas protokolleve”, deklaroi zëvendësministrja e Bujqësisë Ermira Gjeçi.

Ndërkohë, ndonëse me ritme të ngadalta, vazhdon procesi i eliminimit dhe asgjësimit të kafshëve të ngordhura.

Zëvendës ministrja e Bujqësisë njoftoi gjithashtu se Autoriteti Kombëtar i Ushqimit ka kryer kontrolle me qëllim parandalimin e abuzimit me tregtimin e mishit apo vezëve të palejuara, por deri më tani nuk ka gjetur asnjë shkelje. (A2 Televizion)