Kryeministri i Kosovës përmes një statusi në profilin e tij zyrtar ka pohuar se po merr masa ligjore kundër padisë që sipas disa mediave kryeministri i Shqipërisë Edi Rama ka depozituar në Gjykatën e Prishtinës kundër tij.
Sipas Haradinajt, “padia e Kryeministrit Rama është plotësisht e pabazuar dhe një diversion politik që bëhet nga ana e tij, që të fshihet pas dramave mediale dhe t’i ikë përgjegjësisë”.
Mes dy kryeministrave ka patur debat të thelluar muajt e kaluar, me akuza deri në “tradhti” të ngritura nga Haradinaj, kryesisht për çështjen e shkëmbimit të territoreve mes Kosovës dhe Serbisë. (A2 Televizion)