Policia Kufitare e Bllatës në Dibër ka vënë në pranga një person, i cili ishte shpallur në kërkim ndërkombëtar nga autoritetet italiane.
Kështu, falë bashkëpunimit me strukturat e Hetimit të Krimit në Dibër është arrestuar me qëllim ekstradimi 41-vjeçari, Kleant Keshi alias Gentjan Hysa.
Arrestimi i përkohshëm u krye pasi INTERPOL Roma e ka shpallur në kërkim ndërkombëtar pasi Gjykata e Torinos ka dënuar këtë shtetas me 5 vjet, 5 muaj e 27 ditë burg për kryerjen e veprave penale “Prodhim dhe shitje narkotikësh” , “Vjedhje” dhe “Kundërshtim i punonjësve në detyrë shtetërore”. (A2 Televizion)
A2 CNN Livestream
MUND TE LEXONI GJITHASHTU
