Shtëpia e Bardhë nuk do të bëhet karantina e presidentit Trump, edhe pse një ndihmës i Presidentit brazilian i diagnostikuar me koronavirusin e ri, Covid-19, ishte i pranishëm gjatë takimit mes dy liderëve javën e kaluar në rezidencën e Trump në Florida, Mar-a-lago.
“Le ta themi kështu: nuk jam fare i shqetësuar”, u tha Trump gazetarëve, edhe pse ai dhe zv.presidenti Mike Pence kanë dalë në foto bashkë me Fabio Wajngarten, sekretari për median i Bolsonaros.
Pavarësisht vendimit të Trump, senatori republikan Lindsey Graham, ka thënë se do të vetëkarantinohet dhe do të testohet për koronavirusin, pasi ishte i pranishëm në atë darkë. Ai tha se nuk mbante mend të ishte prekur me ndihmësin e Bolsonaros, por për siguri do të izolohej. Të njëjtin vendim mori edhe senatori tjetër republikan, Rick Scott, pasi ishte takuar me delegacionin brazilian. (A2 Televizion)
A2 CNN Livestream
MUND TE LEXONI GJITHASHTU
