Vrasja në Kavajë, policia identifikon autorin. Sipas informacioneve paraprake, dyshohet se autori është 31-vjeçari Habib Rexha, vëllai i viktimës tjetër të muajit mars, Altin Rexha. Policia e Shtetit ka publikuar foton e autorit dhe kërkon ndihmën e qytetarëve për kapjen e tij.
Sikurse u raportua më parë, vrasja është kryer për hakmarrje, pasi Altin Rexha dhe vëllai i Arian Grosës, Edmond Grosa mbetën të vrarë në mars të këtij viti pas një sherri banal. Ndërsa, vrasja e sotme lidhet me këtë ngjarje të dy muajve më parë, ku Habib Rexha duket se ka marrë hakun e vëllait.
“Kavajë/Informacion shtesë në lidhje me ngjarjen e ndodhur ditën e sotme në një lokal, në Kavajë. Identifikohet autori i dyshuar i vrasjes së shtetasit A. G.
Në vijim të veprimeve të kryera nga grupi hetimor, pas këqyrjes së pamjeve filmike dhe verifikimeve të kryera, është bërë i mundur identifikimi i autorit të dyshuar të vrasjes së shtetasit A. G., i cili është shtetasi Habib Rexha, 31 vjeç.
Policia e Shtetit fton qytetarët që të japin informacion për autorin e kësaj ngjarjeje dhe vendos shpërblim 10000 euro, për çdo informacion të vlefshëm që do të çojë në kapjen e autorit. Policia e Shtetit vendos në dispozicion të qytetarëve, numrin e telefonit 069 84 59999, duke garantuar anonimatin e plotë të çdo telefonuesi.”, njofton Policia e Shtetit.
Megjithatë, policia po heton në pista. E para ka të bëjë me ngjarjen e ndodhur pak muaj më parë, ku mbeti i vrarë vëllai i tij Edmond Gosa. Ky i fundit u përfshi në një sherr me Altin Rexhën. Pas një debati, ata vranë njëri-tjetrin.
Pista tjetër ka të bëjë me një ngjarje të ndodhur 10 vite më parë, ku dy vëllezërit Gosa qëlluan me kazmë shtetasin Gentjan Gjuzi. Ky i fundit u plagos rëndë dhe vdiq pas pak muajsh në spital.
Kjo ishte edhe arsyeja pse ai e kishte ndërruar emrin nga Armand Gosa në Edmond. (A2 Televizion)
A2 CNN Livestream
MUND TE LEXONI GJITHASHTU
