Mbështetës të Partisë Demokratike dhe opozitës kanë tentuar të futen brenda ambienteve të rrethimit të Parlamentit, ku po mbahet sot seanca e radhës plenare.
Te trau i Parlamentit është vendosur një kordon policor, që po ruan rendin dhe sigurinë publike, të cilët janë shtyrë nga disa protestues, të cilët kanë tentuar të futen me forcë brenda.
Ndërkohë, nga Kuvendi njoftojnë se shkak i ndërprerjes së energjisë elektrike ka qenë djegia e një UPS-je.
“Të nderuar kolegë, Seanca u ndërpre sepse u dogj pajisja UPS, e cila shërben për balancimin e energjisë në sallën e seancave plenare. Pajisja UPS funksionon ekskluzivisht për sallën e seancave, për shkak te sistemin elektronik. Po punohet për zëvendësimin e pajisjes.”
Njoftimi i Kuvendit të Shqipërisë
Kujtojmë se protesta e sotme te Parlamenti është thirrur nga PD dhe opozita shqiptare. (A2 Televizion)
A2 CNN Livestream
MUND TE LEXONI GJITHASHTU
