Në Formula 1, si të gjithë e dinë kampionati u mbyll me duelin spektakolar të Abu Dabit, aty ku në një xhiro të vetme, atë të fundit, holandezi Max Verstappen i dha fund dominimit të Lewis Hamilton.
Por tani që gjithçka po orientohet drejt kampionatit 2022, që do jetë revolucion për shkak të rregullores së re dhe parametrave të mjeteve, një renditje e re dhe e habitshme ka marrë parasysh dëmet e shkaktuara nga pilotët gjatë vitit.
Në ketë renditje të veçantë, “holandezi fluturues” mbetet në podium, por “fituesi” është një nga pilotët që ka zhgënjyer më shumë në këtë sezon.
Bëhet fjalë për gjermanin Mick Schumacher, djali i legjendës Michael, por që ndoshta nuk ka trashëguar talentin e të atit, edhe pse nuk i mungon kurajë. Ai ka qenë i përfshirë në shumë dyluftime dhe aksidente, shpesh herë të panevojshme, duke i shkaktuar Haas 4.2 milionë euro dëme, një shifër pothuajse e papërballueshme për një ekip të vogël, duke menduar se i shtohen edhe 2.46 milionë euro të djegura nga shoku i tij rus Mazepin, por që të paktën është djali i sponsorit të ekipit. Jo çuditërisht, Schumacher do t’i rikthehet Ferrarit, si pilot i tretë.
Sezoni i Formula 1 u mbyll me duelin spektakolar të Abu Dabit, aty ku në një xhiro të vetme, Max Verstappen i dha fund dominimit të Lewis Hamilton 
Por një renditje e re ka marrë parasysh dëmet e shkaktuara nga pilotët gjatë vitit 
“Fituesi” është një nga pilotët që ka zhgënjyer më shumë në këtë sezon, Mick Schumacher 
Djali i legjendës Michael,i shkaktuar Haas 4.2 milionë euro dëme, një shifër pothuajse e papërballueshme për një ekip të vogël 
Schumacher do t’i rikthehet Ferrarit, si pilot i tretë 
Vendin e dytë e mban piloti tjetër i Ferrarit , Ai Charles Leclerc që ka treguar talent por që në këtë sezon ka qenë i pafat dhe i pasaktë, me 4.04 milionë euro dëme 
Kampioni i ri i botës Max Verstappen, nga më agresivët në pistë, ka shkaktuar 3.89 milionë dëme 
Lewis Hamilton ka shkaktuar vetëm 1.23 milion euro dëme, edhe pse kjo nuk do t’ia ngrejë shumë moralin për humbjen e titullit 
Ka edhe pilot më virtuozë, ose me fat. Një pilot i talentuar dhe shpesh herë në vendet e para si Esteban Ocon, me Alpine, ka shkaktuar ”vetëm” 280 mijë euro dëme
Në renditjen e dëmeve, si paradoks, vendin e dytë e mban piloti tjetër i Ferrarit , Ai Charles Leclerc që ka treguar talent por që në këtë sezon ka qenë i pafat dhe i pasaktë shumë herë. Piloti nga Montecarlo ka shkaktuar 4.04 milionë euro dëme, gjithsesi të përballueshme nga gjiganti Ferrari.
Pas tyre dhe Verstappen, që ka shkaktuar 3.89 milionë dëme, ka një hendek të madh, ndërkohë që Lewis Hamilton ka shkaktuar vetëm 1.23 milion euro dëme, edhe pse kjo nuk do t’ia ngrejë shumë moralin për humbjen e titullit të tetë që do ta përjetësonte si piloti më fitues i historisë.
Ka edhe pilot më virtuozë, ose me fat. Një pilot i talentuar dhe shpesh herë në vendet e para si Esteban Ocon, me Alpine, ka shkaktuar ”vetëm” 280 mijë euro dëme, praktikisht gërvishtje në Formula 1, ndërkohë që shoku i ekipit Alonso e pason me 315 mijë euro.
Renditja e dëmeve
1 Mick Schumacher (Haas) 4.212,500
2 Charles Leclerc (Ferrari) 4.046,000
3 Max Verstappen (Red Bull) 3.889,000
4 Nicholas Latifi (Williams) 3.116,500
5 Valtteri Bottas (Mercedes) 2.713,500
6 Lance Stroll (Aston Martin) 2.686,000
7 Yuki Tsunoda (AlphaTauri) 2.606,500
8 Nikita Mazepin (Haas) 2.468,000
9 Kimi Raikkonen (Alfa) 1.,950,000
10 George Russell (Williams) 1.845,000
11 Carlos Sainz (Ferrari) 1.756,000
12 Lando Norris (McLaren) 1.453,000
13 Lewis Hamilton (Mercedes) 1.235,000
14 Pierre Gasly (AlphaTauri) 1.113,000
15 Sergio Perez (Red Bull) 939.000
16 Antonio Giovinazzi (Alfa Romeo) 854.000
17 Daniel Ricciardo (McLaren) 713.000
18 Sebastian Vettel (Aston Martin) 660.000
19 Fernando Alonso (Alpine) 315.000
20 Esteban Ocon (Alpine) 280.000 (A2 Televizion)
A2 CNN Livestream
MUND TE LEXONI GJITHASHTU
