Në Moskë, këtë javë u regjistrua pothuajse 35 gradë celsius, një rekord në këtë muaj në kryeqytetin rus prej të paktën 120 vitesh.
Por rusët shohin me më shumë kujdes dhe shqetësim atë që po ndodh shumë më në veri të vendit, në Siberi. Të gjithë e përfytyrojmë atë si një vend të ftohtë, i mbuluar me dëborë në dimër dhe gjithsesi i freskët edhe në verë.
Qyteza e Verkoyansk regjistroi temperatura deri në 48 gradë, rekord absolut për një lokalitet në Rrethin Arktik 
Verkoyansk shquhet si një nga vendet më të ftohta në botë 
Situata nuk ndryshon në veriun ekstrem, me lokalitete si Saskylah që kalojnë 31 gradët celsius, për herë të parë nga viti 1936 
Qytete të tjera si Govorovo kaluan sërish 41 gradët 
Permafrosti prej të cilit është përbërë pjesa më e madhe e Siberisë po shkrihet gjithmonë më shumë, duke lëshuar gazra të mbërthyera prej mijëra vitesh në nëntokë
Në fakt, mesatarja e muajit qershor mbetet rreth 16 gradë celsius, edhe me rritjet e dekadave të fundit. Por gjatë këtij viti, si dhe në të kaluarin, po përjetohen ndryshime vërtet shqetësuese.
Qyteza e Verkoyansk regjistroi temperatura deri në 48 gradë, rekord absolut për një lokalitet në Rrethin Arktik. Qytete të tjera si Govorovo kaluan sërish 41 gradë. Situata nuk ndryshon edhe në veriun ekstrem, ku akulli pothuajse nuk shkrin kurrë, me lokalitete si Saskylah që kalojnë 31 gradë celsius, për herë të parë nga viti 1936.
Pasojat janë të shumta, dhe të dukshme. Stili i jetesës të popullsisë që banon ato territore po ndryshon në mënyrë radikale, fauna e dikurshme po spostohet gjithmonë e më në veri për të mbijetuar, dhe permafrosti gjysmë i akullt prej të cilit është përbërë pjesa më e madhe e Siberisë po shkrihet gjithmonë më shumë, duke lëshuar gazra të mbërthyera prej mijëra vitesh në nëntokë. (A2 Televizion)
A2 CNN Livestream
MUND TE LEXONI GJITHASHTU
