Kjo mund të jetë një ndër mbledhjet e fundit të Rudina Hajdarit në krah të Damian Gjiknurit si bashkëkryetare e Komisionit të Reformës Zgjedhore. Opozita parlamentare i ka kërkuar Gramoz Rucit zëvendësimin e saj me Myslym Murrizin në komision.
Ndërkaq vetë zonja Hajdari e sheh të gabuar anashkalimin e opozitës parlamentare në marrëveshjen e arritur për Kodin Elektoral, por që mban firmën e saj.
Pavarësisht kërcënimit me votë të opozitës në Kuvend, mazhoranca thotë se nuk e ndryshon marrëveshjen e dakordësuar me opozitën jashtëparlamentare.
Mbledhja e komisionit të Reformës Zgjedhore ku 2 bashkëkryetarët informuan pjesën tjetër të anëtarëve mbi detajet e marrëveshjes, ishte e tensionuar dhe me debate të forta. Opozita këmbëngul në hapjen e listave për deputetë, kërkesë e cila kërkon ndërhyrje në Kushtetutë dhe që e depozitoi zyrtarisht. (A2 Televizion)
A2 CNN Livestream
MUND TE LEXONI GJITHASHTU
