Komiteti Ndërministror i Emergjencave Civile u mblodh pasditen e së premtes për situatën e përmbytjeve në vend, me praninë edhe të kryeministrit Rama, i cili sapo u kthye nga vizita në Turqi dhe Greqi.
Rama u shpreh se gjatë dy ditëve, ka qenë zëvendëskryeministri Braçe ai që ka menaxhuar situatën.
Braçe u shpreh se menaxhimi i kaskadës së Drinit ka qenë optimal deri tani, ndërsa theksoi se reshjet e shiut kanë qenë intensive në të gjithë territorin.
“Menaxhimi i Kaskadës së Drinit ka qenë optimal deri tani. Kjo është arsyeja që deri sot kemi një situatë të kontrolluar plotësisht në kaskadën e Drinit. Kryetarët e bashkive në të gjithë zonën janë mbledhur çdo ditë dhe po kontrollohet situata në këto territore”, tha Braçe.
Zëvendëskryeministri theksoi se asnjë person nuk është i rrezikuar nga prurjet e lumenjve. (A2 Televizion)
A2 CNN Livestream
MUND TE LEXONI GJITHASHTU
