“Korrupsioni, gangrena për industrinë e bimëve”

Xhevit Hysenaj, eksportues i bimëve medicinale, në studion e “A2 Business” me Aurora Sulçen, në A2 CNN, deklaroi se korrupsioni është “gangrena për industrinë e bimëve”.

“Nëse unë kërkoj të marr një leje të grumbullimit në natyrë nëpër bashki, duhet të paguash 3-6 fishin e tarifave që ka vënë shteti. Nëse nuk i paguan nën dorë këto para, je i skualifikuar me 1100 përralla. Më lehtë merr një leje për një pallat 36-katësh në Tiranë sesa të marrësh leje për grumbullim bimësh medicinale. Ne do ishim të kënaqur të mos na ndihmonin, ama mos të na pengonin”, deklaroi Hysenaj.

“Investitorët e huaj nuk vijnë për të vetmen arsye sepse nuk kemi para “cash”. Ne që jemi 100% eksportues i kemi të gjitha lëvizjet nëpërmjet bankës”, shtoi eksportuesi. (A2 Televizion)