“Kosova, shkollë në rajon për menaxhimin e fushatës dhe procesit zgjedhor”

Historiani Enver Bytyçi, i ftuar në emisionin “Debat” nga Alba Alishani, deklaroi se e rëndësishme në zgjedhjet vendore që u zhvilluan në Kosovë ishte fakti që u zhvilluan sërish zgjedhje të lira dhe të ndershme.

“Rezultati i padiskutueshëm do të jetë ai i raundit të dytë, por edhe rezultati i djeshëm është indicie që tregon për një prirje të caktuar të elektoratit në Kosovë. E rëndësishme është që Kosova zhvilloi sërish zgjedhje të lira dhe të ndershme, duke u bërë shkollë në rajon për menaxhimin në tërësi të fushatës dhe procesit zgjedhor. Kosova, më shumë se kushdo tjetër në rajon, duhet të tregojë aspektin shtetformues”, deklaroi Bytyçi.

Sipas tij, “qytetarët e Kosovës votuan për një balancë dhe diferenca nga partia e parë në partinë e tretë është 2-3%”.

“Elektorati po kërkon që partitë politike në qeverisje ose opozitë, të bashkëpunojnë me njëra-tjetrën për interesat e Kosovës”, theksoi Bytyçi. (A2 Televizion)