Komisioni Qendror i Zgjedhjeve në Kosovë ka publikuar rezultatet paraprake të zgjedhjeve lokale që u mbajtën ditën e diel në vend.
Bazuar në të dhënat e KQZ, 17 komuna në Kosovë tashmë e kanë një fitues, ndërsa 21 të tjera do të shkojnë në raundin e dytë të balotazhit.
Deri tani, Lista Serbe ka fituar në komunat Leposaviq, Novobërdë, Graçanicë, Shtërpc, Partesh, Ranillug, Zveçan Zubin Potoku dhe Kllokot.
Partia Demokratike e Kosovës ka marrë katër komuna; Mitrovicën, Ferizajn, Hanin e Elezit, Skënderajn.
Aleanca për Ardhmërinë e Kosovës, dy komuna: Deçan dhe Suharekë. Lidhja Demokratike e Kosovës, dy komuna: Lipjan dhe Pejë.
Surprizë është lëvizja Vetëvendosje e kryeministrit Albin Kurti, e cila nuk ka marrë asnjë komunë në raundin e parë.
Qendrat e votimit në Kosovë u mbyllën në orën 19:00, ku sipas KQZ-së kanë votuar 43% e totalit ose 770 mijë e 171 votues. (A2 Televizion)
A2 CNN Livestream
MUND TE LEXONI GJITHASHTU
