Kina ka administruar një rekord prej 2 miliardë dozash të vaksinave anti-covid. Sipas të dhënave të autoriteteve, në total janë imunizuar 889 milionë njerëz, me të dyja dozat.
Megjithatë taktikat e përdorura nga qeveria komuniste, për të nxitur vaksinimet, ka shkaktuar një zemëratë popullore në disa zona. Me këto shifra, Kina ka administruar 40 për qind të rreth 5 miliardë dozave të injektuara në të gjithë botën.
Pekini përshpejtoi nivelin e vaksinimit që në Korrik, kur varianti delta shtoi ndjeshëm rastet e reja me Covid-19. Zyrtarët e shëndetit publik të Kinës theksuan se vala e re e pandemisë është vënë nën kontroll, teksa numri I të prekurve ka shënuar rënie për 11 ditë me radhë.
Përveç vaksinimit, Kina ka kryer edhe testime masive për të ndërprerë zinxhirin e transmetimit të koronavirusit. (A2 Televizion)
A2 CNN Livestream
MUND TE LEXONI GJITHASHTU
