Ëndrra e Kosovës drejt Euro 2020 merr një shtysë të rëndësishme. Kjo sepse gjysmëfinalja e Ligës së Kombeve, e parashikuar më 26 mars në Maqedoninë e Veriut, pritet të luhet pa tifozë.
Mes emergjencës shëndetësore nga koronavirusi, Komisioni maqedonas për Sëmundje Ngjitëse vendosi të mbyllë shkollat, kopshtet dhe çerdhet për dy javët në vijim. Në masat e marra kundër përhapjes së koronavirusit, mes të tjerave janë të ndaluara edhe mbledhjet publike apo aktivitetet sportive.
Kjo do të bëjë që ndeshja Maqedoni e Veriut-Kosovë të luhet pa praninë e tifozëve.
Një avantazh për Dardanët, sepse në datën 6 mars u njoftua shitja me kapacitet të plotë e stadiumit, për një total prej 36 mijë vendesh.
Tashmë, mbetet vetëm që Federata Maqedonase e Futbollit të zyrtarizojë zhvillimin e sfidës me dyer të mbyllura. (A2 Televizion)
A2 CNN Livestream
MUND TE LEXONI GJITHASHTU
