Shtatëmbëdhjetë deputetë të Grupit Parlamentar të Partisë Demokratike do të bojkotojnë mbledhjen e Këshillit Kombëtar të partisë që është parashikuar për të martën. Lajmin e bëri të ditur kreu i Grupit, Gazment Bardhi në një deklaratë për mediat.
Megjithatë, Sekretari i Përgjithshëm i PD-së deklaroi se beson që mospjesëmarrja ditën e nesërme mund të jetë më e madhe.
Mbledhja e nesërme për të është jolegjitime pasi siç u shpreh Bardhi, organizmi i saj është përgjegjësi e Sekretarit të Përgjithshëm të partisë.
Ai foli për interesa personale të “një apo shumë individëve” të cilat nuk i shërbejnë PD-së dhe demokratëve.
Bardhi deklaroi se nxitimi për të zgjedhur kryetarin e ri nuk është shpëtim për PD-në.
“Kujt i intereson kjo që po ndodh në PD? Kjo nuk i shërben PD-së, kjo nuk i shërben demokratëve.”
Gazment Bardhi thirri sot mbledhjen e Grupit Parlamentar të Partisë Demokratike, një ditë përpara mbledhjes së Këshillit Kombëtar ku pritet të votohet për 29 korrikun, si datë për zgjedhjet për kreun e ri të partisë. (A2 Televizion)
A2 CNN Livestream
MUND TE LEXONI GJITHASHTU
