Russell Westbrook është nga sot lojtari me më shumë “triple-doble” në historinë e NBA. Organizatori i Washington Wizards theu rekordin që mbahej nga Oscar Robertson (181), që nga viti i largët 1974.
Westbrook ka vite që e ndjek këtë rekord dhe me 28 pikë, 13 topa në tabelë dhe 21 asist kundër Atlanta Hawks, ai u shndërrua në lojtarin me më shumë ndeshje, plot 182, ku ka regjistruar statistika dyshifrore në 3 aspekte të ndryshme të lojës (pikë, topa në tabelë dhe asist).
Një rekord i tillë mendohej i pathyeshëm mes specialistëve të basketbollit.
Pas rekordit, Westbrook u shpreh: “Kam punuar shumë dhe kam shpenzuar shumë kohë për basketbollin. Nuk e kisha ëndërruar kurrë një arritje të tillë. Zakonisht nuk mburrem me atë që bëj, por mendoj se sot ka ardhur dita që ta bëj këtë gjë”.
A2 CNN Livestream
MUND TE LEXONI GJITHASHTU
