Presidenti turk, Rexhep Tajip Erdogan, vuan nga gastroenteriti, një problem në stomak. Këtë e konfirmuan autoritetet përkatëse pas shqetësimeve shëndetësore që përjetoi kreu i shtetit gjatë një interviste televizive. Ministri turk i Shëndetësisë, njoftoi se Erdogan do t’i rinisë së shpejti me eventet e fushatës presidenciale.
“E kam vizituar presidentin këtë mëngjes. Ai dërgon përshëndetjet e tij për të gjithë ju. Gjendja shëndetësore e presidentit është e mirë. Gastroenteriti infektiv që ka përjetuar e ka pakësuar efektin e tij”, tha Fahrettin Koca, ministër i Shëndetësisë në Turqi.
Erdogan njoftoi më herët përmes “Twitter”-it se do të bënte disa ditë pushim nga angazhimet e tij publike me këshillë të mjekut. 69-vjeçari, lideri më jetëgjatë i Turqisë, ka fituar më dhjetwra procese zgjedhore dhe i ka mbijetuar përpjekjes për grusht shteti në vitin 2016.
Pas më shumë se 20 viteve në pushtet, votimi i 14 majit, mund të jetë prova më e vështirë për Erdogan për shkak të rënies së popullaritetit nga politikat e gabuara ekonomike. Rivali kryesor është lideri i opozitës, Kemal Kiliçdarollu, i cili është zgjedhur si kandidat nga gjashtë parti politike.
74-vjeçari, që sipas sondazheve ka një shans të mirë për të rrëzuar nga froni “presidentin e përjetshëm”, ishte mes shumë politikanëve që i uruan Erdoganit një shërim të shpejtë. (A2 Televizion)
A2 CNN Livestream
MUND TE LEXONI GJITHASHTU
