Përgatitjet e skuadrave shqiptare në Antalia kanë vazhduar me miqësoret e radhës.
Partizani u thye 1-0 në testin përballë skuadrës së Superligës turke, Trabzonspor. Ndeshja u vendos nga goli i Sorloth në mesin e pjesës së parë, me trajnerin Sormani që gjithsesi u shfaq i kënaqur nga sinjalet që mori nga skuadra.
Te kampionët e Shqipërisë debutoi mbrojtësi Kërçiku, i cili iu bashkua të kuqve nga rivalët e përjetshëm të Tiranës.
Kukësi në anën tjetër, barazoi 1 me 1 përballë Malatiaspor. I përfolur për një rikthim të mundshëm në elitën e futbollit belg, Kristal Abazaj evitoi humbjen e kryesuesve të kampionatit, duke shënuar 7 minuta përpara fundit të ndeshjes.
Ndërsa Tirana fitoi në miqësoren e radhës me rezultatin 1-0 përballë hungarezëve të Mezokovesdi me gol të Çales. (A2 Televizion)
A2 CNN Livestream
MUND TE LEXONI GJITHASHTU
