Një video e shpërndarë nga policia pakistaneze tregon momentin tragjik kur një bombë shpërtheu brenda një shkolle fetare në qytetin Peshavar këtë të martë. Nga shpërthimi raportohet se kanë humbur jetën të paktën 7 persona dhe kanë mbetur të plagosur 80 vetë.
Në video shfaqet një shkollar mysliman, Sheikh Rahimullah, i cili po fliste para studentëve të tij për rëndësinë e arsimimit, pikërisht në momentin kur shpërthen bomba, duke rrëzuar edhe kamerën në tokë.
Asnjë organizatë apo individ nuk e ka marrë përsipër sulmun, e ndodhur në një zonë pranë kufirit me Afganistanit. Shefi i Policisë së Peshavarit, Mohammad Ali Gandapur, tha për Reuters se në total janë përdorur 6 kg lëndë plasëse. (A2 Televizion)
