Udhëheqësit e NATO-s pritet të konfirmojnë në samitin në Vilnius se situata në Kosovë është serioze dhe se misioni i NATO-s, KFOR, është atje për të garantuar sigurinë e të gjithë qytetarëve, përfshirë edhe të pakicës serbe në veri.
Këtë e tha Milan Niç, nga Këshilli Gjerman për Marrëdhënie me Jashtë. Në një intervistë për Radion Evropa e Lirë, Niç thotë se telashet për Kosovën do të ishin shumë më të mëdha nëse NATO-ja nuk do të ishte atje.
“Mendoj se Kosova është më afër një konflikti të hapur sesa Bosnja”, paralajmëron eksperti për Ballkanin Perwndimor dhe zgjerimin e NATO-s.
Sipas tij, ky është një nivel ndryshe i konfliktit, me sulme fizike ose konfrontime në veri, struktura paralele e shpërthime, ku një incident i vogël mund të çojë në diçka më të madhe. Duke u ndalur te Serbia, Niç deklaron se presidenti Aleksandar Vuçiç, mund ta luajë edhe për kohë të gjatë lojën “edhe Perëndimi, edhe Rusia”. (A2 Televizion)
A2 CNN Livestream
MUND TE LEXONI GJITHASHTU
