Ndalimi i lëvizjes, Rama: Shkelësit do të dënohen me heqje të patentës 3 vjet

Me anë të një statusi në Facebook, kryeministri Rama ka publikuar masa të reja ndaj parandalimit të koronavirusit në vend.

Ai ka bërë të ditur se nga ora 06:00 e së dielës, lokalet dhe restorantet do të mbyllen në të gjithë vendin, ashtu siç ka ndodhur në Tiranë dhe Durrës, fillimisht.

“Nga nesër në 06.00 të mëngjesit lokalet dhe mjediset e tjera të mbyllura fillimisht në qarqet Tr/Dr dhe sot në qarqet Shkodër, Lezhë, Elbasan, Fier dhe Vlorë, do të mbyllen në të gjithë Shqipërinë”, shkruan Rama.

Kryeministri përmendi edhe njëherë ndëshkimin për shkelësit e masave për ndalimin e qarkullimit, duke thënë se do t’u hiqet patentat për 3 vjet.

“Lëvizjet e paautorizuara me automjet të kujtdo që nuk ka një arsye pune, sipas kategorive të funksioneve shtetërore apo shërbimeve private të autorizuara, do të dënohen me heqje të patentës 3 vjet dhe sekuestrim të automjetit”, shkruan Rama. (A2 Televizion)