“Në vend që të bënte rregullatorin, qeveria u bë palë me abuzuesit”

Analisti Lutfi Dervishi, i ftuar në studion e “Ditarit”, në A2 CNN, deklaroi se “karburanti ishte pika e fundit që derdhi gotën e zemërimit” të popullit që ka dalë në protesta.

“Në vend që të bënte rregullatorin, u bë palë me përhapësit e panikut dhe abuzuesit. Deri para 24 orësh kishim justifikimin e bursës. Por, nuk reflektohet ulja te ne kur ulet çmimi në bursë”, tha Dervishi.

Në lidhje me leximin politik që i bëri Edi Rama protestës, Dervishi theksoi: “Këtu çdo gjë është politike, por kam përshtypjen që nuk po e lexon drejtë protestën. Nuk është protesta e protestuesve të politikës. Nuk shoh plan masash të qeverisë për një situatë që mund të vijë duke u rënduar. Nëse nuk ka angazhim që njerëzit ta kuptojnë që kjo është situata, por ama të shikojnë që nuk ka abuzime dhe spekulime, nuk do të ketë zgjidhje.

“Njerëzit janë goditur keq nga çmimet dhe nuk e kuptojnë se një çmim nga lufta do të paguhet dhe fatura mund të vijë duke u rënduar”, shtoi Dervishi. (A2 Televizion)